لما بتحتاج مساعدة في المنزل، نظافة مثلا، بتروح لشركة بتوفر الخدمة دي، بتتفق على سعر محدد وبييجوا ينفذوا الخدمة ويمشوا… مع الوقت بتلاقي نفسك كل مرة محتاج تعرّف الشخص اللي جاي طريقة شغلك، ترتيب الأشياء في المنزل وأماكنها…الخ، وكأنكم بتتعرفوا على بعض من أول وجديد، خصوصا لو الشركة بتبعت كل مرة شخص مختلف.
طيب لو فيه مساعد شخصي مقيم دوام كامل في المنزل، ومش بس للنظافة؟ مع الوقت هيكون عارف ترتيبات المنزل إيه، أماكن الأشياء وتوزيعها وأحسن طريقة لتنظيفه. وده بيديك انت تحكم أكتر، زي إنك ممكن تخليه يعمل حاجات مختلفة… صيانة مثلا، طبخ…الخ. كل ما بيتواجد عندك في المنزل أكتر، وكل ما بتوضحله انت محتاج إيه، كل ما بيكون فاهمك أكتر.
وهنا تأتي قوة Hermes Agent، المساعد الشخصي الذكي من Nous Research، اللي بتقدر تعمله Setup على VPS رخيص ويكون متاح ليك طول اليوم، حتى لو قافل اللابتوب بتاعك.
الميزة الأقوى بالنسبة لي إن بيئة شغله بتكون عندك انت. بتحدد الملفات اللي يقدر يشوفها، الأدوات اللي يستخدمها والخدمات اللي يتوصل بيها. وكل ما تبقى محتاجه يعمل حاجات أكتر، بتضيفله الأدوات والصلاحيات المناسبة.
وده مش معناه إن ChatGPT أو Claude معندهمش Memory أو Tools أو قدرات لتنفيذ مهام. الفكرة هنا في مساحة التحكم اللي بتاخدها لما تستضيف الـ Agent بنفسك، مقابل إنك تبقى مسؤول عن تشغيله وتحديثه وإعداداته.
Hermes عنده Memory وSkills، وبيقدر يستخدم أدوات للبحث والتصفح والتعامل مع الملفات والـ Terminal، ويتوصل بـ MCP Servers ويقسّم بعض المهام على Subagents. طبعا حسب الأدوات اللي فعلتها وإعداداتك. Hermes Documentation
في المقال ده هبدأ أوضح تجربتي السريعة في إني أعمل Setup لـ Hermes، أوصله بـ Slack، وبعدها أستخدمه في حاجتين يهموني: تطوير معرفتي التقنية ومتابعة الجديد في التكنولوجيا.
أول حاجة محتاجها: VPS رخيص
انا علطول بستخدم VPSDime، وفي وقت التجربة كانت الباقات بتبدأ من ٥ دولار في الشهر. لو حابب تستخدم الـ Affiliate link بتاعي وتدعمني ممكن تدخل من هنا، ولو مش حابب عادي جدا ادخل من الموقع مباشرة:
VPSDime: الـ Affiliate link بتاعي
الباقات وقت التجربة. الأسعار والمواصفات ممكن تتغير.
انا اخترت الباقة اللي بـ ٧ دولار، فيها 4 vCPU و6GB RAM و30GB Storage، واخترت Ubuntu 24.04 ومكان السيرفر لندن، زي ما ظاهر في الصورة.
مش شرط تستخدم نفس الشركة أو نفس الباقة. المهم في البداية بيئة مستقلة تقدر تجرب عليها وتسيبها شغالة.
بس فيه نقطة لازم أوضحها هنا: دي تكلفة الـ VPS بس، مش تكلفة الذكاء الاصطناعي كله. في الإعداد اللي بشرحه، Hermes بيتواصل مع Model provider، واستخدام الـ Model وأي أدوات مدفوعة ليهم تكلفة منفصلة حسب مقدم الخدمة واستهلاكك. السيرفر هنا بيشغّل الـ Agent وأدواته، مش معناه إنك هتشغّل Large model محليا بـ ٧ دولار.
نعمل Setup لـ Hermes
بعد ما السيرفر يتجهز، ادخل عليه من الـ Terminal باستخدام الـ IP اللي الشركة هتبعتهولك:
ssh root@YOUR_SERVER_IPعلى Ubuntu جهّز الأدوات الأساسية واعمل مستخدم منفصل للتجربة:
apt update
apt upgrade -y
apt install -y curl git tar ca-certificates build-essential sudo
adduser hermes
usermod -aG sudo hermes
su - hermesبعدها شغّل أمر التثبيت الرسمي من حساب المستخدم الجديد:
curl -fsSL https://hermes-agent.nousresearch.com/install.sh | bashالـ Installer بيجهز الـ Runtime، وممكن يفتح معاك الـ Setup wizard. بعد ما يخلص:
source ~/.bashrc
hermes setupاختار الـ Model provider والـ Model، وكمل تسجيل الدخول أو ضيف الـ API key حسب اللي الـ Setup بيطلبه. وبعدها جرّب:
hermesولو احتجت تغيّر الـ Model أو تضبط الـ Tools أو تعمل Troubleshooting:
hermes model
hermes tools
hermes doctorتفاصيل التثبيت ممكن تتغير مع الإصدارات، فده دليل التثبيت الرسمي لو ظهرلك اختلاف.
طيب هكلمه إزاي من غير ما أفتح SSH كل شوية؟
بالنسبة لي اخترت Slack. انا بستخدمه في الشغل أصلا، فكان مناسب إن المساعد يبقى موجود في مكان بفتحه طول اليوم، سواء من الموبايل أو الكمبيوتر.
الربط هنا بيستخدم Socket Mode، يعني الاتصال بيطلع من السيرفر لـ Slack، ومش محتاج تعمل Public URL لاستقبال الرسائل.
خطوات ربط Slack
١. من السيرفر اعمل Generate للـ App manifest الجاهز:
hermes slack manifest --agent-view --write
cat ~/.hermes/slack-manifest.json٢. افتح Slack Apps، اختار Create New App → From an app manifest، وحدد الـ Workspace والصق الـ JSON. الـ Manifest بيجهز الـ Scopes والـ Events والـ Slash commands وSocket Mode.
٣. من Basic Information → App-Level Tokens اعمل Token بصلاحية connections:write. ده SLACK_APP_TOKEN وبيبدأ بـ xapp-.
٤. من Install App → Install to Workspace وافق على الصلاحيات وخد SLACK_BOT_TOKEN اللي بيبدأ بـ xoxb-.
٥. من بروفايلك في Slack اختار Copy member ID. بعدها شغّل:
hermes gateway setupاختار Slack، وحط الـ Tokens وحدد الـ Member ID بتاعك في SLACK_ALLOWED_USERS، مش اسمك الظاهر.
٦. جرّب الاتصال:
hermes gatewayافتح التطبيق وابعتله رسالة. وفي الـ Channels اعمله Invite وبعدها Mention. لو الـ DM مقفول، راجع App Home → Messages Tab والسماح بالرسائل.
ودي خطوات Slack الرسمية. احتفظ بالـ Tokens على السيرفر، ومتشاركهاش في الشات أو الصور.
نخليه شغال حتى بعد ما نقفل الاتصال
تشغيل الـ Gateway في الـ Terminal مناسب للتجربة، لكن علشان يفضل متاح محتاج تشغّله كـ Service.
بعد ما توقف التشغيل التجريبي بـ Ctrl+C، نفّذ من نفس حساب hermes:
hermes gateway install
sudo loginctl enable-linger hermes
hermes gateway start
hermes gateway statusالـ Linger بيخلّي الـ User services تقدر تفضل شغالة بعد الـ Logout. راجع الـ Status وجرب تبعتله رسالة بعد ما تقفل SSH. لو الـ VPS مش بيدعم systemd، راجع طريقة التشغيل المناسبة لبيئتك في دليل الـ Gateway.
وبكده تقدر تكلمه من Slack من غير ما تفتح السيرفر كل مرة. طبعا استمرارية التشغيل بتعتمد على السيرفر والاتصال والـ Model provider، مش ضمان إن مفيش حاجة هتقف أبدا.
أول تجربة: انت تعرف عني إيه؟
أول حاجة سألتها كانت بسيطة جدا: انت تعرف عني إيه؟
رده كان إنه يعرف اسمي الظاهر في Slack وإننا بنتكلم في DM، لكن معندوش تفاصيل كفاية عني في الـ Context اللي قدامه.
فقلتله يدخل على موقعي الشخصي ويتعرف عليّ من هناك:
Can you visit maged.me and learn more about myself?
وبعدها لما سألته تاني، بدأ يرد بتفاصيل عن شغلي وخبراتي والتقنيات اللي بستخدمها، وقال إن المعلومات موجودة في الـ Saved profile بتاعي.
بالنسبة لي دي كانت بداية مهمة. لأن لو هستخدمه في التعلم أو متابعة الأخبار، محتاج يعرف خلفيتي. مش عايزه يشرحلي كل حاجة من الصفر، وفي نفس الوقت مش عايزه يفترض إني فاهم كل المجالات لمجرد إني Software Engineer.
بس الصورة لوحدها مش اختبار كافي إنه هيفتكر المعلومات في كل محادثة جديدة. علشان تتأكد، اطلب منه يحفظ المعلومات باستخدام الـ Memory tool، وبعدها ابدأ Session جديدة واسأله تاني. ولو قال إنه حفظ ومفيش نتيجة، راجع الملفات نفسها.
Hermes عنده USER.md لمعلومات المستخدم وتفضيلاته، وMEMORY.md لملاحظاته، داخل ~/.hermes/memories/. الـ Memory دي محدودة وبيختار ويحفظ فيها، مش تسجيل تلقائي لكل كلمة للأبد. شرح الـ Memory
ومعنى إنه «بيتعلم» هنا إنه يقدر يحتفظ بمعلومات وإجراءات يرجعلها بعدين. الـ Skills مثلا بتخزن طريقة تنفيذ شغل معين ويقدر يحسنها ويعيد استخدامها. ده مش معناه إنه بيعمل Training للـ Model أو بيغيّر الـ Model weights من محادثتنا. شرح الـ Skills
التجربة التانية: مساعد يخليني أتعلم باستمرار
من أكتر الحاجات اللي بتواجهني إن فيه حاجات تقنية كتير عايز أتعلمها، لكن وسط الشغل مش دايما فيه وقت إني أقعد أرتب هتعلم إيه وإزاي.
فبدل ما يبقى استخدامي كله أسئلة انا اللي بفتكر أسألها، بدأت أستخدمه في جلسات فيها سؤال تقني، Concept جديد وتصحيح لمعلومة شائعة.
زي الصورة دي مثلا: سألني عن RAG assistant بيبحث في ملايين المستندات، وإزاي أحدد لو المشكلة في الـ Retrieval أو الـ Chunking أو الـ Generation. وبعدها شرح Concept اسمه Reciprocal Rank Fusion، وناقش فكرة إن temperature 0 لوحدها مش ضمان إن كل الردود هتكون متطابقة.
اللي عجبني هنا إن فيه فرصة أبقى مشارك. هو يسأل، انا أجاوب بطريقتي، وبعدها يناقشني في الإجابة والنقط اللي ناقصة.
ولو هتجرب حاجة مشابهة، ممكن تبدأ برسالة زي دي، مش لازم نفس الكلمات:
I'm a software engineer with experience in web development, APIs, and databases. I want short learning sessions to broaden my technical knowledge. In each session, ask me one practical question and wait for my answer before sharing the solution. Then review my reasoning and explain anything I missed. Keep track of topics I need to revisit and bring them back in future sessions. Don't treat me as a programming beginner, but explain unfamiliar terms in areas I'm still learning.وده بالنسبالي ممكن يتطور لحاجة أقرب لمدرب شخصي للتعلم: عارف إيه اللي اتناقشنا فيه، وإيه اللي محتاج ممارسة أكتر. دي فكرة للتطوير، مش ادعاء إن كل المتابعة دي اتنفذت بالفعل في التجربة اللي في الصور.
التجربة التالتة: Tech Radar شخصي
الاستخدام التاني اللي جربته هو متابعة الجديد في التكنولوجيا، خصوصا أدوات البرمجة والـ AI Agents والموديلات والخدمات المرتبطة بيهم.
لأن متابعة كل ده يدويا بقت شغلانة لوحدها. كل يوم Release جديد، Framework جديد، وحد بيقولك إن الأداة دي هتغير طريقة شغلك تماما… وبعد شوية بتكتشف إنك قريت أخبار كتير ومجربتش حاجة 😅
الصورة مثال لشكل التقرير اللي وصلي، مش تأكيد مني على صحة كل خبر أو رقم مكتوب فيها. بالنسبة لي جودة الـ Radar مرتبطة بجودة المصادر والتحقق منها، مش طول التقرير.
فلو هظبطه أكتر، هطلب منه حاجة بالشكل ده:
Set up a daily Tech Radar for 9 AM in the Africa/Cairo timezone. Track coding tools, AI agents, and models relevant to a software engineer. Send only the five most important updates to the Slack channel I'll specify. For each update, include the original source, publication date, what changed, and why it might matter to me. Distinguish between products that are available now and announcements of products that haven't launched yet. Don't repeat updates you've already sent. If there's nothing important to report, say so. Suggest one small experiment and save it to an experiment backlog I can revisit and mark as Done.وبدل ما الأخبار تتراكم، يبقى عندي Experiment backlog: الفكرة، هتعلم منها إيه، محتاجة إيه والـ Status بتاعتها. كده حتى لو مش فاضي أجرب النهارده، الفكرة مش هتضيع وسط الرسائل.
إزاي أخلي الطلب ده يتنفذ كل يوم؟
Hermes فيه Scheduled tasks تقدر تطلب إنشاءها بالكلام العادي، والـ Gateway لازم يفضل شغال علشان ينفذها. بعد ما تطلب منه يعمل Schedule، خليه يعرضلك الـ Scheduled task اللي اتسجلت، ميعادها والـ Timezone ومكان إرسال النتيجة. متكتفيش برد «حاضر هبعتلك».
لو بتستخدم توقيت مصر، تقدر تضبطه من السيرفر:
hermes config set timezone Africa/Cairoوبعد أي تعديل محتاج Restart، اعمل Restart للـ Gateway service واختبر وصول رسالة تجريبية. راجع إعدادات التوقيت ودليل الـ Scheduled tasks.
ومهم كمان تظبط أدوات البحث من hermes tools وتتأكد إنها بتشتغل قبل ما تعتمد على تقرير يومي.
أفكار تانية ممكن أستخدمه فيها
وأنا بقرأ عن استخداماته، لقيت أفكار مناسبة جدا لطبيعة شغلي، ولسه حابب أجربها:
- فهم مشروع قبل ما أبدأ فيه: يراجع الـ Repository ويشرحلي الـ Codebase structure والـ Architecture، وإزاي أعمل Local setup، وإيه التفاصيل اللي لسه محتاجة توضيح من الـ Team.
- QA على Staging: يجرب User flows محددة، زي Login أو Checkout، ولو لقى Bug يسجل الـ Steps to reproduce والـ Expected result والـ Actual result، ومعاهم Screenshots توضح المشكلة.
- متابعة تغييرات مهمة: يتابع صفحات الـ Pricing والـ Documentation، ويقارنها بآخر نسخة حفظها. لو فيه تغيير يهمني، يبعتلي Notification يوضح إيه اللي اتغير.
- Project documentation: يراجع الكود ويجهز Draft للـ Setup instructions والـ Architecture overview، ويوضح أي تفاصيل مقدرش يتأكد منها.
- Personal knowledge base: ينظم الـ Notes والـ Research حسب الموضوع، ويحط Links بين المواضيع المرتبطة ببعض علشان أقدر أرجعلها وأبحث فيها بسهولة.
- Research لمقال جديد: يجمع الـ Sources ويرتب الأفكار في Outline، وبعدها يجهز Draft أراجعه وأعدله بطريقتي.
كل فكرة من دول محتاجة Setup وتجربة، وبعضها محتاج APIs أو MCP integrations إضافية.
طيب هل ده أحسن من إني أستخدم خدمة جاهزة؟
فيه فرق في المسؤولية بين إنك تستخدم Managed service وإنك تشغّل حل Self-hosted بنفسك.
بالنسبة لي السؤال مش مين عنده أطول قائمة Features. السؤال: انا محتاج أتحكم في البيئة دي قد إيه، ومستعد أصرف وقت قد إيه على تشغيلها؟
لو عايز تبدأ بسرعة وتخلي حد تاني مسؤول عن الـ Infrastructure، الخدمة الجاهزة ممكن تناسبك أكتر. ولو عايز تختار الـ Model وتربط أدواتك وتخلي ملفات وتجارب الشغل في بيئة انت بتديرها، Hermes يستاهل التجربة.
وبرضه Self-hosted مش معناها إن كل البيانات بتفضل محليا. لو بتستخدم Cloud model أو خدمة بحث خارجية، البيانات اللازمة للطلب ممكن تروح للخدمة دي حسب إعداداتك. التحكم في السيرفر جزء من الصورة، مش الصورة كلها.
انا شايف إن أحسن بداية تكون على VPS منفصل، بأدوات وصلاحيات محدودة ومهمة واحدة واضحة. مثلا جلسة تعلم قصيرة أو تقرير تقني يومي. وبعد ما تراجع النتيجة والتكلفة وتشوف إنه بينفذ فعلا، تزود استخداماته واحدة واحدة.
ولو هرجع لتشبيه المساعد في المنزل: وجوده طول اليوم ميكفيش لوحده. محتاج يعرف انت عايز إيه، يقدر يعمل إيه، وإمتى يرجعلك. ودي بالنسبالي أكتر حتة مثيرة في التجربة… إنك بتبدأ تبني طريقة شغل مستمرة مع المساعد، مش مجرد سؤال ورد وخلاص.
الصور من تجربتي الشخصية. خطوات التثبيت والربط راجعتها على توثيق Hermes المتاح يوم ١٩ أكتوبر ٢٠٢٦، وممكن تختلف مع التحديثات. الجمل المقترحة للـ Prompts أمثلة تقدر تعدلها حسب احتياجك.
